Mótmæli

Hverju er þetta fólk alltaf að mótmæla?  Getur forsætisráðherra þjóðarinnar ekki einu sinni fengið frið til að halda ræðu á 17. júní fyrir mótmælum.

Ég get vel skilið þegar mótmælt er við Alþingishúsið en þetta skil ég ekki og held að margir mæti bara í mótmæli mótmælanna vegna.

Mótmæli á Austurvelli

Frestun

Nú hefur verið frestað um óákveðin tíma ákveðnum vegaframkvæmdum sem búið var að bjóða út.  Frestunin tengis víst niðurskurði í útgjöldum ríkisins, sem nú er unnið að.

Ég ætla að vona að það verði ekki með þessar framkvæmdir eins og ákveðnar vegaframkvæmdir á Vestfjörðum.  Þeim var fyrst frestað vegna mikillar þenslu og síðar vegna kreppu.  Ég hefði talið að í kreppu ætti ríkið að fara í allar þær framkvæmdir sem hugsast getur en draga úr í þenslu.

Það er alltaf verið að tala um nauðsyn þess að brúa einhvern halla á fjárlögum, en er ekki allt í lagi að vera með mikinn fjárlagahalla í mikilli kreppu ef einhver vill lána okkur fyrir hallanum.  Þetta gera Bandaríkin ár eftir ár.

Hætt við vegagerð

Flugslys

Nú er talið mögulegt að flugvél Air France hafi sent fjölda villuskilaboða áður en hún fórst.  En auðvitað veit enginn um orsakir þessa slys.  Allt sem sett er fram eru einungis kenningar eða tilgátur, en hvað sem því líður breytir það ekki þeirri staðreynd að flugvélin fórst og allir sem í henni voru.

Skilaboðin send eftir að vélin brotnaði

Lýðræðið

Kjartan Magnússon, borgarfulltrúi og formaður þjóðhátíðarnefndar Reykjavíkur, segir að nú sé lýðræðið veikt á Íslandi.

Ég helda að Kjartan ætti að lýta sér aðeins nær og upplýsa hvers vegna lýðræðið er svona veikt á Íslandi í dag.  Það er vegna18 ára stjórnarsetu Sjálfstæðisflokksins í ríkisstjórn, sem leyfði frjálshyggjunni að blómstra í allri sinni dökku mynd.  Sem olli því að þjóðin er hneppt í skuldaánauð að kröfu Alþjóða Gjaldeyrissjóðsins, sem Geir H. Haarde fv. forsætisráðherra bað um aðstoð frá og varð að ósk sinni.  Sú aðstoð ætlar að reynast okkur ansi dýru verði keypt, við höfum ekki lengur sjálf stjórn á okkar efnahagsmálum heldur ræður þessi sjóður nánast öllu þar um.  Við fáum ekki að lækka vexti sem allt er að drepa bæði fyrirtæki og heimili.

Ég held að vert væri að athuga með það að skila þessari aðstoð og losna undan öllum þeim byrgðum sem þessi sjóður setur á okkur.

Lýðveldið veikara en nokkru sinni

Aðgangur að mat

Í mörgum ríkjum Afríku gæti verið til nægt af matvælum ef rétt væri staðið að málum.  T.d. í Zimbabe, þar er eitt gróður mesta svæði álfunnar og hægt væri að rækta þar mikil magn matvæla.  En því miður hefur stjórnarfarið í landinu verið með þeim hætti að stór hluti íbúanna sveltir.  Þar voru hvítir bændur hraktir af jörðum sínum og þær látnar í hendur manna sem ekkert kunnu til verka.  Þetta land flutti áður út matvæli en er nú háð matvælaaðstoð Sameinuðu Þjóðanna.  Víða undan ströndum Afríku eru gjöful fiskimið en þau eru ekki nýtt nema af litlum hluta af íbúum álfunnar, heldur erlendum ríkjum.  Í Namibíu er talsverð útgerð og fiskvinnsla og þar hafa íslendingar komið við sögu til að aðstoða og kenna heimamönnum, bæði í útgerð og fiskvinnslu.  Það sama á einnig við um Viktoríuvatn, sem er fullt af fiski.

Ég held að matvælavandi Afríku verði ALDREI leystur með stöðugum matvælasendingum frá hinum ýmsu ríkjum.  Það sem þarf að gera er að aðstoða íbúa Afríku og kenna þeim ræktun matvæla svo þeir geti verið sjálfum sér nægir með mat.  Eins þarf að skapa þeim möguleika á að flytja út hinar ýmsu afurðir sem er að finna í Afríku og fá þannig gjaldeyrir til að geta stundað eðlileg viðskipti við önnur lönd.  Því auðvitað verða þeir að getað flutt inn það sem ekki er hægt að rækta og framleiða í Afríku.

Það fyrirkomulag sem nú er að vera með stöðugar sendingar af matvælum til Afríku er eins og að moka í botnlausa tunnu.  Afríka hefur alla kosti og burði til að sjá íbúum sínum fyrir nægum mat í framtíðinni, ef rétt er á málum haldið.

Aðgangur að mat vandamál

Landsleikur

Auðvitað vinna íslendingar þennan leik.  Allt annað en sigur kemur ekki til greina, verst er að þetta skuli vera á þjóðhátíðardaginn og því mæti færri á leikinn til að styðja íslenska landsliðið.  En það gæti líka virkað í hina áttina að fleiri mættu vegna þess að það er 17. júní.

Þórir: Viljum vinna á þjóðhátíðardaginn

Handfæraveiðar

Fyrir nokkuð mörgum árum fóru tveir gamlir félagar á sjó til handfæraveiða, báðir voru þeir með falskar tennur.  Þeir lentu fljótlega í mikilli veiði og í öllum látunum missti annar þeirra falska efri góminn í hafið.  Félagi hans ákvað að stríða þeim tannlausa og í eitt skiptið þegar hann innbirti stóran þorsk, þá tók hann út úr sér efri góminn og setti upp í kjaftinn á þorskinum.  Hann kallaði síðan til félaga síns og sagði;  "Sjáðu hvað kom upp úr þessum þorski" og veifaði gómnum og rétti síðan hinum tannlausa góminn.  Sá setti góminn upp í sig og eftir smá stund sagði hann; "Þetta passar ekki og þetta eru ekki mínar tennur."  Síðan tók hann góminn og kastaði honum í sjóinn aftur.  Eftir þetta sagði hvorugur orð en luku veiðiferðinni og fóru síðan báðir hálf tannlausir í land.

Ný sjálfstæðisbarátta

Jóhanna Sigurðardóttir sagði á Austurvelli í dag að nú væru íslendingar að heyja nýja sjálfstæðisbaráttu, sem engan hefði órað fyrir að þyrfti að gera.

Það er verst að þeir eru sennilega flestir dauðir sem tóku sem mest þátt í sjálfstæðisbaráttu íslendinga á sínum tíma.

Menn eins og Jón Sigurðsson ofl. eru ekki til á Íslandi í dag.  Á Alþingi sitja 63 huglausir aumingjar, sem engu þora og láta kúga sig til flestra verka af forustu þeirra flokka sem þeir tilheyra.  Það heyrir til undantekningar ef þingmaður greiðir atkvæði samkvæmt sinni sannfæringu gegn flokksvilja.

Heyjum á ný sjálfstæðisbaráttu

Léleg afsökun

Hollenski Seðlabankinn segist lítið hafa geta gert til að stöðva vöxt Icesave-reikninganna í Hollandi, því þetta hefði heyrt undir íslenska Fjármálaeftirlitið.

Þvílíkt andskotans kjaftæði auðvitað getur Seðlabanki hvers lands fylgst með öllu fjármálalífi í sínu landi.  Ég trúi því ekki að Landsbanki Íslands hafið opnað útibú í Hollandi án þess að Hollensk yfirvöld og þar með talinn Hollenski Seðlabankinn, hafi veitt til þess tilskilin leyfi.  Þar sem þetta endaði sem algjör hörmung reynir Hollenski Seðlabankinn að skjóta sér undan ábyrgð á kostnað Íslands. Það átti ALDREI að samþykkja greiðslur fyrir þessum reikningum.  Heldur láta Hollendinga taka afleiðingar af sínum gjörðum.  En því miður var samþykkt á Alþingi sl. haust að fara samningaleiðina og Árni Matthíssen, þáverandi fjármálaráðherra skrifaði undir samningsblað um greiðslur Íslendinga á þessum reikningum.  Sá samningur var um að Hollendingar lánuðu Íslendingum lán til að greiða þessa reikninga og var lánið til 10 ára með 6,8% vöxtum og afborgunarlaust fyrstu þrjú árin.  Eftir það varð ekki aftur snúið og nú hamast Sjálfstæðismenn á Steingrími J. Sigfússyni fyrir samning sem hann lét gera bæði við Hollendinga og Breta en sá samningur er til 15 ára með 5,5% föstum vöxtum og afborgunarlausfyrstu 7 árin auk þess er hægt að segja samningnum upp hvenær sem er.  Það er auðvitað hægt að deila endalaust hvort við hefðum átt að fara samningaleiðina eða ekki.  En þar er ekki við núverandi ríkisstjórn að sakast, hún er einungis að vinna sem best eftir þeirri stefnu sem Sjálfstæðismenn mörkuðu á sínum tíma.  Af mörgum slæmum kostum held ég að núverandi samningur sé illskástur.  Við höfðum tækifæri til þess á sínum tíma að láta dómstóla skera úr um hvort við ættu að greiða þetta en því miður sáu Sjálfstæðismenn til þess að það tækifæri var ekki nýtt.

Gátu ekki stöðvað Icesave

Spakmæli dagsins

Opinber embætti er síðasta

hálmstrá hins vanhæfa.

(Boies Penrose)